Contoh Teks Wawancara Berbahasa Jawa Tentang Lingkungan

Tema                   :  Lingkungan

Pewawancara      :   ~ Adinda Safitri       ( 02 )

                             ~ Laila Imama S.        ( 19 )

Narasumber        : Pak Yudi Prastyawan, S.pd       (koordinator pokja taman lan wit)

Pokja Taman lan Wit

Adinda            : " Assalamu'alaikum, Pak Yudi "

Pak Yudi         : " Wa'alaikumussalam, iyo nduk! Ana apa? "

Laila               : " Ngapunten Pak, niki kula kaliyan rencang kula badhe tanglet                                         dhateng panjenengan ngengingi pokja taman lan wit. Bapak                                             napa kersa? "

Pak Yudi         : " oiyo nduk, ayo rene lungguh dhisik!"

Adinda            : " Matur nuwun Pak, amargi bapak sampun maringi wekdal siang                                      punika kagem mbahas pokja taman lan wit. Mekaten Pak, kula                                        pikanthuk tugas saking sekolah, wawancara ngengingi masalah                                      lingkungan. Bapak dados koordinator dhateng pokja taman lan                                        wit, punapa bapak saged njelasaken bab napa mawon kang wonten ing                            pokja taman lan wit? "

Pak Yudi         : " Ya nduk, bab opo kang pingin kok ngerteni saka pokja taman                    lan wit?"

Laila                : " Punapa pendamelanipun pokja taman lan wit, Pak? "

Pak Yudi          : " Pokja taman lan wit nduweni tugas utawa penggaweyan                                                 wenehi jeneng tanduran, ngrumat taman, lan ngitungi jumlahe                                         tanduran miturut jenis tanduran kuwi. "

Adinda            : " Kadospundi Pak, proses nyambut damelipun pokja taman lan                                         wit? "

Pak Yudi         : " Proses nyambut gawene pokja taman lan wit, yaiku :

                            •Sing pertama, mubengi sekolah ngitingi jumlahe tanduran                             miturut jenise

                            • Sing keloro, nyateti tanduran miturut jenise

                            • Sing ketelu, yaiku wenehi jeneng tanduran miturut jenise                              nganggo papan triplek melamin. "

Laila                  : " Lho Pak dhateng pokja taman kaliyan wit punapa diwucal                            caranipun nanem tanduran kang becik? "

Pak Yudi            : "Lah, yo iyo toh nduk! Ing pokja taman kuwi diajari mulai                              carane nandur nganti carane ngrumat. "

Adinda               : " Wah, menawi ngonten kadospundi nggeh Pak, caranipun                             nanem tanduran kang becik? "

Pak Yudi            : " Carane yaiku, sing pertama pilihen bibit kang apik lan wes                                            siap di tandur. Banjur bibit kuwi di tandur ing lemah kang                                               subur. Ojo lali wenehi pupuk sakmarine bibit kuwi di tandur                                            lan wenehi banyu sakcukupe. “

Adinda               : “ Pak, kapan wekdal kang sae damel nyirami tanduran                              punika? “                  

Pak Yudi            : “ Wayah kang becik kanggo nyirami tanduran iku saben                                                     isuk lan sore. Ojo nyirami tanduran pas wayah panas, amarga                                       tanduran kuwi bisa mati. “

Laila                   : " Ooo...dados mekaten nggeh Pak. "

Pak Yudi            : " iyo nduk! "

Adinda                : " Oh nggeh Pak, sinten mawon kang saged mlebet utawi                                nderek pokja taman lan wit? "

Pak Yudi            : " Pokja  taman lan wit ora mbatesi sopo wae sing arep melu                            pokja kuwi, dadi sopo wae bebas arep melu pokja taman lan                        wit. "

Laila                   : " Pak, punapa pokja taman lan wit niku gadah pos damel                                 kumpulipun lare-lare?"

Pak Yudi            : " Ora nduwe nduk, pokja taman lan wit ora duwe pos kanggo                               kumpule arek-arek. "

Adinda               : " Pak, kula kinten sampun cekap. Kula kaliyan rencang kula                        ngaturaken panuwun ingkang kathah bilih Pak Yudi sampun                  maringi kawruh ngengingi pokja taman lan wit kanti                                                     caranipun nandur tanduran kang becik menika. "

Pak Yudi            : " Iyo nduk, yen kurang jelas bisa takok maneh ora apa-apa. "

Laila                   : " Inggih Pak, Assalamu'alaikum. "

Pak Yudi            : " Wa'alaikumussalam. "